أكد أحمد حسام ميدو، نجم الزمالك السابق، أن أي مدرب جديد للنادي الأهلي سيحتاج إلى وقت للتأقلم، مشددًا على أن الدفع بعدد كبير من اللاعبين الجدد في التشكيل الأساسي ليس خطوة ناجحة.

وقال ميدو، خلال ظهوره على قناة "أون تايم سبورتس":"زي ما قال الكابتن علاء، أي مدرب جديد هيحتاج وقت مع الأهلي، وده مش تقليل من قدراته، لكن طبيعي يحصل كده مع أي فريق كبير".

وأضاف:"النهاردة عندك مجموعة من الصفقات الجديدة، لكن مينفعش تدخل 7 أو 8 لاعبين دفعة واحدة في التشكيل الأساسي، حتى لو كنت أفضل فريق في العالم، صعب تحقق الفوز بالشكل ده".

وتابع:"المدرب هيعتمد في البداية على اللاعبين اللي متعودين على أجواء الأهلي وبيمثلوا القوام الأساسي للفريق، واللي بقالهم سنة أو أكتر في النادي، وبعد كده يدمج الصفقات الجديدة تدريجيًا".

واختتم ميدو:"الانسجام مهم جدًا، ومش منطقي تتوقع إن كل اللاعبين الجدد هيقدموا أفضل ما عندهم من أول مباراة، لازم يكون فيه تدرّج".