كشف الإعلامي أحمد شوبير حارس الأهلي ومنتخب مصر، عن أزمة البطولة العربية بعد تعيين الكابتن حلمي طولان مديرا فنيا للمنتخب لهذه البطولة وتعارض إقامة البطولة مع منافسات أفريقية وقارية والمنتخب الأول.

وقال احمد شوبير عبر اون سبورت اف ام:" انا الحقيقة نفسي دلوقتي اللي هو دلوقتي اللي هو حالا ان اتحاد الكرة لازم يكونله دور ويقول للناس دي مهمة مؤقتة لمدة شهر ونص ".

وتابع: "وتفهمهم ان هذا لن يتعارض مع المنتخب الاول لا من قريب او من بعيد وان الناس دي كلها تساند وبقوة كابتن حسام حسن ولازم يطلعوا بتصريحات تساند حسام حسن حتي لو جواهم غير كده لازم دة يتقال لكن انا لابد اني انا اوفر كل الاجواء الصحية لكابتن حسام حسن بتحبه مش بتحبه دي مش شغلتي لكن لابد من توفير كل الاجواء الايجابية للكابتن حسام حسن لان عنده بطولة الامم الافريقية".

وزاد: "احنا هنبدأ ماتشتنا في بطولة الامم الافريقية يوم 22 ديسمبر البطولة هتبدأ يوم 21 من حق حسام حسن انه قبلها بـ 14 يوم ياخد اللاعيبة تعالي نحسبها بالعقل وبالمنطق هل حسام حسن ممكن يقول انا ممكن اضحي بخمس ايام!".

وأكمل: "لا طبعا ولا خمس ساعات ولا خمس دقايق لان دول الايام اللي ممكن حسام حسن يلعبله ماتشيين وديين قبل البطولة لازم المساندة هنا لكابتن حسام حسن بكل ما اوتينا من قوة نعمله فترة اعداد كويسة يلعب وهو مرتاح ومطمن مهم جدا دة يتعمل".

وأكد: "انا مش عاوز يا جماعة يبقي في حتة عند انا بتكلم بصراحة ومن بدري خالص اهو مش عاوز حتة عناد من دلوقتي كدة مبكرا دة ياخد اللاعيبة ودة يقوله انا محتاج اللاعيبة دول ودة يقول محتاج دول".

وتابع: "نحن الاولوية للمنتخب الوطني الاول لأن اللي هيشارك في البطولة العربية اسمه المنتخب التاني ، فالاولوية للمتنتخب الاول شوف انت هتاخد مين وكل اللي انت عاوزهم موجودين معاك وسيبلنا اللي انت مش هتاخده يعني"..

وأضاف: "لو في توقف في بعض الدوريات وقت البطولة العربية من حق الكابتن حلمي يطلب لكن محدش برا هيبقي متاح لان دي مش اجندة دولية في بعض يقولك ان اتحاد الكرة تعمد يجيب ناس في بينهم خلافات عشان يطفش حسام ".

وزاد:،"يطفش حسام لية؟ حسام متصدر مجموعته في تصفيات كاس العالم وتأهل لبطولة الامم متصدرا لمجموعته لا الموضوع مينفعش يبقي كده".