علق حازم إمام، لاعب الزمالك الأسبق وعضو لجنة التخطيط بالنادي حاليًا، على انتقال زيزو إلى الأهلي، وعدم التجديد مع الأبيض ومقارنته بموقف النجم المصري محمد صلاح مع ليفربول.وقال إمام في تصريحات عبر قناة "دي إم سي": "زيزو الآن لاعبًا في الأهلي حاليا، وكل ما يُقال حاليًا مجرد هري، هو اختار، لكن عاوز أوضح نقطة مهمة حتى نغلق هذا الملف".وتابع: "البعض قالوا إن إدارة الزمالك تأخرت في التجديد له، ولكن ربنا انهارده ادانا مثال محمد صلاح، أهم لاعب في العالم، وبعيد عن المقارنات اهم لاعب في العالم وجاله عروض كتير من كل الدنيا ، فكرة ان حد لو النادي غلطان وانت عاوز تبقى ايقونة وعاوز تكون رمز لفريق هتمضي وهتضحي".وتابع: "صلاح طبقه انهارده في ثوان، مع العلم إن برده جاتله أندية كبيرة يروح ليها، وكمان صلاح متضايق من الإدارة وده كان باين في مؤتمراته الصحفية، بس هو اختار انه يكون ايقونة للفريق ده وضحى بأموال كتيرة عشان يكون أسطورة ليفربول".