يثق أحمد سليمان عضو مجلس إدارة الزمالك في إنهاء النادي تجديد تعاقد أحمد مصطفى زيزو نجم الفريق خلال الفترة المقبلة.

وأوضح سليمان في تصريحات عبر إذاعة الشباب والرياضة: "كلي ثقة في الناس اللي بتدير الملف لجنة التخطيط واستاذ ممدوح عباس، زيزو يستحق، الزمالك لم يتأخر في ملف زيزو، الملف اتفتح كتير لكن الظروف المادية النادي منعت انهائه".

وأضاف سليمان: " اتقال كتير عن اقترب زيزو من الأهلي، معنديش فكرة بعرض الأهلي وبيراميدز والعين للتعاقد مع زيزو، بس عندي ثقة في الناس اللي بتدير الملف، زيزو جاله عروض كتيرة لما يوصل 65% من اللي جاله محدش يبصله في اللي هياخده،  لو جدد مش هيوصل للرقم اللي كان هياخده لو مشي".

وعلق عضو مجلس إدارة الزمالك على الأزمة بين والد زيزو وممدوح عباس: "مش الأمور دي هي الأساس، المناقشات بين حد والتاني أمر وارد، بعد ماتش المنتخب هنقعد مع زيزو، فيه اندية منافسة لسه لاعبتها مجددتش وعندنا في الفريق فيه لاعيبة مجددتش".

وطمأن أحمد سليمان جماهير الزمالك: "سيبوكم من الرغي قعدة بسيطة الأمور هتتم مع زيزو، كلي ثقة ان زيزو يستمر في الزمالك".