فاز منتخب مصر على منافسه سيراليون بهدف دون رد في المباراة التي جمعتهما في الجولة السادسة ضمن التصفيات المؤهلة لـ كأس العالم 2026.
وقال إبراهيم حسن المدير الإداري لمنتخب مصر في تصريحات صحفية بعد المباراة: "فرقة بوركينا عندها 11 النهاردة لو حصل حاجة الدنيا تتأزم فالحمدلله انا بشكر اللاعيبة عملوا اللي عليهم ماسكين كرة فرقة سيراليون فرقة محترمة عاوزين يخطفوا في اي وقت".
وتابع: "أنا وحسام كان بنتكلم ازاي نكسب والناس دي متروحش بهجمة مرتدة عليك يكلفك هدف يبقي فيه صعوبة ولو كنا اتاخرنا مجبناش هدف كانت الامور كلها هتصعب عليك مع فرقة زي دي".
وأضاف: "احنا لسه هنلاعب اثيوبيا هنا صعبة جدا اديكوا شايفين اثيويبيا عاملة ازاي كسبت ستة امبارح ولسه هتلاعب غينيا بييساو وجيبوتي في الاخر ماتشات صعبة ، والله والله الدنيا صعبة مفيش حاجة سهلة".
واختتم: "المغرب كانت بتلعب مع النيجر في المغرب الملعب مقفول مغلوبين لحد الوقت الضايع اتحسب تسع دقايق او عشر دقايق وقت ضايع المغرب اتعادل وكسب بصعوبة يعني المغرب مغلوب واحد صفر في ملعبها قدام النيجر فـدي كلها عبر ، انا مبقولش حاجة انا بوضح الامور الامور صعبة".