تحدث ناشئ النادي الأهلي إبراهيم الاسيوطي عبر إذاعة اون سبورت إف إم عن انضمامه للقلعة الحمراء وعمله قبل كرة القدم.وقال الأسيوطي :" مكنتش أحلم إني أروح الأهلي ولما مضيت للأهلي قعدت 3 أيام بدون نوم ، كنت بشتغل في قهوة ويوميتي كانت 30 جنيه وفي يوم بعتوني عشان أغير الأنبوبة أخدتها ولعبت في الأكاديمية وحطيتها جنب العارضة والناس قعدت في القهوة مشربتش المشاريب وضربوني علقة محترمة".وأكمل حديثه قائلًا:" الجزمة اللي كنت بلعب بيها كانت مقطوعه وأنا في أسمنت أسيوط والكابتن نبيل محمود شافها وخلى النادي جابلي جزمتين جداد وكنت بحب العب حافي ماكنتش بعرف العب بالجزمة".واضاف إبراهيم الأسيوطي عبر إذاعة اون سبورت إف إم:" تريزيجيه منحني جزمته لما طلعت فريق أول في الاهلي ومحتفظ بيها في الدولاب لحد الأن".