أدلى اللاعب حسام حسن بتصريحات قوية عبر إنستجرام كشف خلالها كواليس ما يحدث داخل نادي مودرن فيوتشر، مؤكدًا أنه لم يكن ينوي الحديث عن أي أمور تخص النادي، لكنه اضطر لذلك بعد انتهاء تعاقده.
وكتب حسام حسن:" ف البداية أنا مكنتش ناوي أتكلم في أي أحداث داخل النادي وعمري ما أتكلمت على نادي لعبت ليه لكن للأسف بعد ما أنهيت تعاقدي مع نادي مودرن فيوتشر بإصرار مني فوجئت منهم منزلين خبر مش قادر أفهم توقيته وليه وايه الهدف منه".
وأضاف :" بما إن انهم خالفوا الاتفاق اللي انهينا بيه التعاقد والتأكيد عليا أكثر من مرة ف أنا كان لازم أوضح دفاعاً عن نفسي ومش هقول دفاع عن زملائي اللي اتظلموا وبيتقهروا من إدارة النادي بلا مبرر سوى بعض اللعيبة المقربين من رئيس النادي، وبياخدوا مستحقاتهم طبعاً عشان يقوموا بدورهم ع أكمل وجه".
وأكمل:" لو عاوزين تعرفوا الحقيقة اسألوا اللعيبة اللي ما بينهم رئيس النادي بأمر مباشر من نزول التمرين وإيقاف مستحقاتهم وممنوع حد يتكلم أو يفتح بقه وكأننا عبيد عنده ، وأنصح كل لاعيبة مصر قبل ما تفكر تيجي النادي دا يسألوا اللعيبة اللي عندها ضمير هيقولولكم ايه اللي بيحصل جوا النادي في أحداث كتيره واللاعيبة متطلعش تتكلم ع اللي بيحصل معاهم وتدمير نفسياتهم بلا مبرر".
واختتم حديثه قائلًا:" في حقائق هتظهر في الوقت المناسب الله في قاعات تليفزيونية هتوضح جزء صغير من اللي بيحصل جوا النادي بعض اللعيبة من مسؤول يذل اللعيبة ويظلمهم الله يرحمك يا أحمد رفعت".