تحدث عضو مجلس إدارة النادي الأهلي الكابتن سيد عبد الحفيظ عبر قناة إم بي سي مصر ٢ عن التحكيم المصري وما يحدث مع النادي الأهلي.

وقال سيد عبد الحفيظ:" دي جينات في الحكام المصرية قال يعني كده هو مسيطر جامد جدًا. وبعدين كمية إنذار وكمية طرد هو الحكم بيتخيل إنه محمي.بالإنذارات؟ يعني أنا لو شفتك في الشارع مثلًا ما انت معكش كروت هتبقى ضعيف يعني عشان انت معاك كروت؟ ضعيف؟!! وبعدين أنا هبقى عايز أعرف مش عايز أعرف أنا لازم يتقال تحقيق".

وأضاف:" تحقيق اتحاد الكورة إزاي حكم يزق في لاعيب؟ إده لازم برده يتحقق تحقيق انا مشوفتش في حياتي حكم بيعتدي على لاعيبة، يعني دايماً بشوف أو يعني بتبقى نادرة جدًا، دايماً اللعيبة بتعتدي على حكم وبيبقى في تقرير وهكذا".

وأزاد :" هو متخيل، هو متخيل إنك معاك الكروت، فأنت جاي الماتش، فدي الكروت اللي هتحميك يعني انت بتتكلم على مرحلة حساسة جدًا يا إبراهيم، المفروض مفيهاش أخطاء يعني ومافيهاش أخطاء تقديرية ومعاك فار جابك، أنا معرفش برضه فار قال له إيه يعني محتاج أسمع، يعني محتاجين نعرف الحوار إيه وده من حقي، أعتقد من حقي من حقي لما فيه حكم بيحكم لفرقة وميدهاش جزء من قرارات صحيحة ولا حاجة بيقعد سنتين مانشوفوش مبتشوفش الحكم ده تاني للفريق دة مش اشوفه مرة أولى واشوفه مرة تانية".

وأكمل :" أنا من حقي إني أعرف الحوار اللي دار ما بين محمود عاشور وما بين محمود وفا دلوقتي. لازم نسمعه، لازم نسمعه كلنا، لازم المنطق في القانون أنا مش وجهة نظر ولا حتة تقديرية، أنا بتكلم على القانون المسافة بعيدة، إيد مفرودة، مفيهاش شك خلاص مفيهاش شك بس تصدق بالله؟ أقسِم بالله، أقسِم بالله أول ما راح وقعد دقيقة كده أو نص دقيقة يتفرج عليها، وبعدين راح راجع تاني واحد من الجهاز الفني، أقسِم بالله كنت متأكد خلاص إنه مش هيحسب حاجة".