تحدث عضو مجلس إدارة النادي الأهلي محمد الدماطي عبر صفحته الرسمية على الفيس بوك عن عدم وجود الجماهير بالكامل في مباريات الفريق خلال الدوري المصري الممتاز.
وقال الدمامطي:"هتكلم في البوست دة بصفتي مشجع أهلاوي قبل ما ابقي عضو مجلس إدارة ، و عارف حجم الأبواب اللي هتتفتح عليا ، بس أنا مش بعرف استخبي".
وتابع :" مهما كان درجة عدم رضاك عن الإدارة أو الفريق او اي شيء دة مش مبرر أبدا لضعف الحضور الجماهيري في مباريات حاسمة في الدوري ، لو هي ظاهرة عامة ممكن أقول فقدان شغف ، أو مشاكل مع الجمهور ، لكن لما يبقي الحضور كامل العدد في ماتشات إفريقيا و عدد قليل جدًا في مباريات الدوري يبقي اية السبب ، هل بنوصل رسالة للاعبين أن الدوري مش مهم ، مفيش اي مبرر منطقي للتفاوت دة ، و مش هندفن راسنا في الرمل و نعمل مش واخدين بالنا ، كل البطولات مهمة".
وأضاف:" التواجد الجماهيري دة لوحدة بيحسن الأداء ، أنا علي مدار عمري كنت أكتر فترة لازم ابقي موجود فيها في المدرج و الفريق محتاجني عشان يكسب ، نقفل علي نفسنا شهرين بس ، نركز مع حاجة واحدة اننا نزق فرقتنا لقدام لحد آخر الموسم ، نشجع و نروح الأستاد ، و نسيب اي انتقادات علي جنب دلوقتي عشان مش مهم الأشخاص".
واختتم حديثه قائلًا:" محدش هيفتكر حاجة غير البطولات في الآخر ، المهم الأهلي ، الأهلي و بس ، ياريت الناس المؤثرة تتبني الاتجاة دة ، كل حاجة لسة في ايدينا ، وإن شاء الله ربنا هيكرمنا في الأخر".