أكد المدير الفني للفريق الأول لكرة القدم بنادي الزمالك أحمد عبد الرؤوف أن هناك أزمات مادية كبيرة داخل القلعة البيضاء.
وقال حازم إمام عبر قناة أون سبورت:" اللي قاله عبد الرؤوف طبعا هو مش عاوز يتكلم بس واضح الأمور المادية باينه للناس كلها طبعا عمرنا مشوفنا الزمالك في هذة الحالة".
وأضاف :" مشوفتش الزمالك قبل كدة بالمنظر الإداري إن في مشاكل كتيرة جدًا بهذا الشكل قبل كدة وباين علي الفرقة بشكل كبير جدًا ومفيش فلوس وبالتالي الأمور صعبة جدًا يعني بجد مش عارف حاسس الموضوع المرادي مش زي كل مرة موضوع أصعب بكتير".
وأردف :" الزمالك مش عاوز أقول كلمة كبيرة بس الزمالك في طريقه لحاجة مش كويسة ودة هيأثر علي الرياضة بشكل عام مش كرة بس هيأثر علي كل الألعاب لإن الزمالك دايمًا شريك أساسي مع الأهلي في بناء المنتخبات دايمًا لاعبي الأهلي والزمالك هما معظمهم عماد أي منتخب وبالتالي لما تفقد وأنت شكلك بتفقد بشكل كبير فالأمور هتبقي صعبة علي نادي الزمالك جدا ودة هيأثر علي منتخب مصر في جميع الألعاب".
وأوضح :" أتمنى من المسئولين يعني إن موضوع الزمالك دة بغض النظر عن مجالس الإدارات يعني المجلس دة بيمثل الزمالك لكن هما هيمشوا والزمالك هيفضل يعني فنحاول نساعد النادي مش نساعد المجلس ، المجلس يقعد يمشي كلهم مع كامل الإحترام ليهم لو هما غلطوا يتحاسبوا لكن النادي ككيان لازم الناس تعامله ككيان كبير في الوطن العربي كله".