رد أحمد حسام ميدو، على سؤال وجه إليه خلال حواره مع إسلام سامي، مقدم بودكاست 4-2-4.

ووجه إسلام سامي سؤالًا لميدو: "بتسمع النغمة اللي دايرة دلوقتي إن تلاقي الأهلاوية يقولون لك "عايزين الزمالك واقف على رجليه"، لأن لما باخد البطولة من الزمالك غير بيراميدز مش المنافس، وعمره ما هياخد.. بيمشي معاك إزاي الكلام ده."

ورد ميدو: "أقسم بالله الأهلاوية كلهم بيقولوا كل الكلام ده كله، آخر حاجة يتمنوها إن الزمالك يبقى واقف على رجله آخر حاجة يتمنوها طبعًا، اسمع كلامي بس.. صدقني والله العظيم إنت ماشفتش وشو الأهلاوية لما الزمالك ابتدى قال لك إن فيه مشروع وفيه خصوصية، والفرقة مقفول عليها وكسبنا أول تلات أربع ماتشات."

وأضاف: "الأهلاوية كلهم بيقولوا إحنا ملوك العالم، إحنا ملوك مصر، إحنا ملوك أفريقيا، ومش عارف إيه وبتاع.. نفسي تشوف وشوش الأهلاوية لما عرفوا الزمالك هيبقى معاه فلوس أول الموسم، أقسم بالله كانوا مرعوبين."

ووجه إسلام سامي سؤالًا آخر لميدو: "إنت دائمًا تقول الأهلي مالوش بعبع غير الزمالك ؟."، ليرد ميدو: "طبعًا، الزمالك هو لما بيقرب بتلاقي إيه الأهلاوية يتهزوا لأنهم عارفين إن هو ده النادي الوحيد اللي لو واقف على رجله."