أكد محمد الشناوي، حارس منتخب مصر ونجم مباراة الفوز على جنوب أفريقيا بهدف دون رد، أن الفريق قدم أداءً مميزًا وأن جميع اللاعبين كانوا على قلب رجل واحد.وقال الشناوي: "سعيد بلقب أحسن لاعب اليوم وكنا رجالة وعلى قلب رجل واحد. الماتش اللي فات اتفاجئنا بالجمهور، انهارده 40 ألف والجمهور اللي فات 18 ألف، بشكر الجمهور على تشجيعه لينا. بنشكر المغرب على الاستضافة والتغطية وكل حاجة ممتازة بصراحة وبنشكرهم على تشجيعهم لينا."وأضاف: "مش بركز في أي حاجة تتقال وبحترم كل النقاد في مصر وبرّي نفس. النهارده ممكن متبقاش في حالتك، أهم حاجة ليا هو التركيز في المنتخب، وأهم حاجة لينا هو تحقيق البطولة. أنا دايمًا بعمل اللي عليا والباقي بتاع ربنا."وتابع الشناوي: "أنا وأحمد الشناوي وصبحي وشوبير كلنا بنلعب باسم مصر، وأي حد يلعب كلنا بندعمه. أي حد كان هيكون مكاني كان هيقضي وكان هيكون كويس. احنا 28 لاعب كلنا عاوزين نفرح الشعب المصري ومركزين في شغلنا وبشكر الجهاز الفني اللي مساندني ومساند الـ28 لاعب."