كشف الإعلامي أحمد شوبير حارس الأهلي ومنتخب مصر، عن مسؤولين في الأهلي أكدوا له أن المدربين الكبار لا يضعون شرط جزائي في عقودهم.
وقال احمد شوبير عبر اون سبورت اف ام:" هنا بعتقد ان كان في صياغة العقد كانت ممكن تتعمل بشكل افضل من كدة شوية لان المبلغ اللي هيتحمله النادي الاهلي مبلغ كبير جدا جدا جدا هما راميين مع المحامي الايطالي هيتعامل كده بهدوء مع مارسيل كولر".
وتابع: "عاوز اقولك ان الجهاز المعاون لمارسيل كولر قاعد في مصر ممشيش لأن في اللي عندهم ولاد ومدارس ومبسوطين ومستمتعين وبياخدوا مرتبهم ايوة بياخدوا مرتبهم كاملا بيقولك احنا قاعدين انا مبسوط كده انا مرتاح كدة معندوش مشكلة في حاجة خالص".
وأكمل: "الاهلي هل سينجح في التفاوض مع كولر؟ معرفش بس المؤشرات مش ايجابية البيان بتاع امبارح ده المؤشرات مش ايجابية ، هقولك بشكل اكثر تفصيلا وضوحا يعني ان كولر زعلان ان البعض طلع انتقده وطلع هاجمه".
وأكد: "الراجل قالك انا مستاهلش كده انا ماشي محقق 11 بطولة مخسرتش الدوري وطلعت من افريقيا دون ان اخسر وحتي لو خسرت لازم الناس تكلم عليا بشكل جيد مينفعش خصوصا من من ينتمون للنادي الاهلي"..
وزاد: "هنا القصة هتبدأ تطول شوية ومحتاجة ان يكون في في التفاوض حد يعرف يدير هذا التفاوض هو الاهلي كله امله الراجل هياخد سنة يخفضهم لست شهور مثلا لسبع شهور ده تصوري انا الشخصي يعني او ينتظر ان الراجل يجيله عقد ويشتغل".
ولفت: "يعني انا سالت حد قالي ان الراجل حتى لو جاله عقد انت اللي مشيته فله حق في الشرط الجزائي فعاوزه حد محنك اوي يعرف يتفاوض مع الراجل والا سيضطر النادي الاهلي انه يحول الراتب كاملا لكولر اول كل شهر".
واختتم: "دي كمان ممكن متقفش علي كده يقولك انا عاوز فلوس كاملة يعني وارد يعني بس اعتقد ان العلاقة بين كولر والاهلي تسمح انهم يصلوا لنقطة تفاهم باذن الله"..