كشف أحمد شوبير حارس الأهلي الأسبق عن مفاجأة بشأن شكل الدوري للموسم الجديد، حيث إن هذا الموسم يعتبر استثنائيا بعمل مجموعتين منافسة على البطولة وهبوط.

وقال الإعلامي أحمد شوبير حارس الأهلي الأسبق ومنتخب مصر في برنامجه "حارس الأهلي" على قناة الأهلي:" تعالي بقي اتكلم معاك شوية وهنا بناء علي بعض من المعلومات اي اللي هيحصل السنة الجاية في الموسم".

وتابع: "هل الدوري هيبقي 19 ناديا قولا واحد لا ، يعني ايه ، يعني الدوري عمره ما هيبقي 18 لأنه مش هينفع لكن مش هيبقي 19 لكن يبقي 20 ، يعني تقلل الهبوط من ناديين لنادي وكدة انت بتدي فرصة اصلا كان الهبوط تلاتة بقوا اتنين وهتخليه واحد".

تعمل 20 ناديا السنة الجاية طيب هتتلعب ازاي ، تتلعب زي السنادي كده الدور الاولاني بدل ما اكنوا 18 هيبقوا 20 فريقا بيلاعبوا بعض هيزيد اسبوعين بعدين تعمل بقي الهبوط والبطل عشان تقدر تهبط عشان تزود عدد الدوري التاني".

وأكمل: "عشان تيجي تقسمهم تيجي تعملهم من البداية مجموعتين من الاول عشرة وعشرة وده اقتراح بعيد شوية او تخليهم 20 وتلعب الدور الاول والمرحلة التانية تبقي بشكل عكسي ".

ولفت: "البطولة يبقي 8 ويتنافس علي الهبوط 12 فتقدر تهبط اربعة او تلاتة وتصعد 12 فترجع تبقي 18 عشان ميزيديش عن 18 ناديا لكن قصة 19 مرفوضة تماما ودة اقتراح بيدرس وهو الاقرب لتطبيق في الموسم المقبل"..