فجّر الإعلامي أحمد شوبير مفاجأة مدوية بشأن مستقبل الدوري المصري الممتاز، مؤكدًا أن هناك نية واضحة داخل اتحاد الكرة لإجراء تغييرات جذرية في شكل المسابقة، قد تشمل إلغاء الهبوط هذا الموسم، وعودة اتحاد الكرة لإدارة الدوري بدلًا من رابطة الأندية.

وقال شوبير، خلال برنامجه الإذاعي صباح اليوم الثلاثاء:"الشكل العام بيقول إن اتحاد الكرة هو اللي هيدير الدوري الموسم الجاي، مش الرابطة... والوجوه القديمة راجعة تاني، وخليني أوضح إني مش أقصد عامر حسين، أنا بحترمه جدًا على المستوى الشخصي".

وتابع "الموسم ده المفروض يهبط فريقين ويصعد 3، يعني الدوري يبقى فيه 19 فريق، وده مرفوض من اتحاد الكرة، وأنا كمان موافق على الرفض ده... مفيش حاجة اسمها دوري بـ19 نادي".

وأضاف "الرابطة مش قادرة تحدد موقفها، والنظام بيتعدل حاليًا، وإحساسي بيقول إننا رايحين في سكة إلغاء الهبوط".

وواصل "قد يكون في دوري من مجموعتين، وده وارد جدًا لو استمر الوضع الحالي بدون حسم".

واختتم شوبير :"دلوقتي اتحاد الكرة لازم يدعو الرابطة لاجتماع عشان يظبطوا الأمور، لازم يكون في اتفاق حقيقي علشان يحصل نجاح".