تغلب فريق بيراميدز على سموحة بهدف نظيف فى مباراة شهدت جدلا تحكيميا مساء اليوم، الجمعة، باستاد برج العرب بالإسكندرية، فى إطار مباريات الجولة 12 من بطولة الدوري الممتاز.

وقال أحمد سامي مدرب بيراميدز في تصريحات صحفية بعد المباراة: "مش متخيل اللي قاعد على الفار ابن كابتن عزب حجاج اللي بيعين الحكام ما يستدعيش الحكم  أنا قاعد باتفرج مش ممكن حاجة غريبة ومريبة".

وتابع: "الحاجات دي تخليك تشك في كل حاجة، المسطرة مش واحدة، المفروض الحكام يتفقوا على الحالات، ماتش الإسماعيلي محمد حسن نايم على الأرض اتحسبت بلنتي وعلي جبر بيعمل بإيده اول ما شاط فاتح ايده، حاجات مش متخيلها".

وأضاف:"الماتش ده مفيهوش توفيق ومفيش توفيق الماتش ده ربنا ميرضاش بالظلم، وطالبنا بإقالة لجنة الحكام كلها، أجيب رئيس لجنة حكام أجنبي وواحد مصري اللي يعين الحكام؟ كده عملنا ايه معملناش حاجة".

وتابع: "يجيبوا واحد يطور الفار "بيشربوا شاي جوه"، خط الفار تحس انه معمول فولومستر، النهارده فوق الحد، لازم "ستاف" اجنبي مش رئيس لجنة بس".