أشاد خالد بيبو، مدير الكرة في الأهلي السابق ، بعلي معلول، وقال إنه من اللاعبين القليلين اللي حفروا اسمهم في مصر بفضل أدائهم و"جدعنتهم".وقال خالد بيبو في تصريحات تلفزيونية على قناة "الأهلي": "علي معلول من أحسن الناس جوه غرفة الملابس، وكل اللاعبين بيحبوه الكل كان مستني قراره بالاستمرار، لأنه عنده رصيد كبير مع زمايله والجهاز الفني والإداري".و أضاف: "في حاجات مش هنقدر نقولها، لكن علي تحمل كتير وأنا كمدير كرة مخصمتش منه ولا جنيه، هو ملتزم جدًا دايمًا بروح النادي بدري، وغالبًا بلاقيه هناك، وأحيانًا بدور على حاجة علشان أخصم منه ومش بلاقي حاجة".واختتم: "كل لاعب ليه "كوتة" من القمصان، ولو عايز ياخد زيادة بيكون على حسابه كل اللاعبين اللي أخدوا قمصان زيادة دفعوا ثمنها، وأفشة هو أكتر واحد دفع".