شوبير يرد على مجاهد: اللي واثق ما يخافش من الانتخابات خش بقلب جامد كده وانفانتينو مش رئيس في بلده



رد أحمد شوبير على تصريحات أحمد مجاهد عضو اتحاد الكرة السابق وتحذيره بأن مصر ستفقد مكانها بالفيفا إذا لم يفوز هاني ابوريده ولا يوجد في مصر كادر آخر يعوضه خلال 50 عاما.

كما أكد مجاهد بأن ابوريده إذا لم يحقق الفوز بمقعد رئاسة اتحاد الكرة لن يترشح في انتخابات الكاف أو الفيفا وستخسر مصر مقعدها في هذه المنظمات.

وقال شوبير خلال برنامجه الإذاعي" البعض يحذر إذا ماكنش هاني ابوريده رئيسا للاتحاد مش يحتفظ بمكانه مين اللي قال؟ البعض بيقول انك تخش الاتحاد الأفريقي لازم تكون رئيس بلدك هذا امر غير صحيح لأن انفانتينو رئيس الإتحاد الدولي ليس رئيسا لإتحاد بلده احمد احمد مش رئيس الإتحاد في مدغشقر سلمان بن إبراهيم مش رئيس الإتحاد البحريني الأمر خلصان محدش يتعب قلبه".

وأضاف شوبير: "ما ينفعش حد يطلع يقول لو مش هيبقى رئيس الإتحاد المصري مش هيبقى رئيس الكاف ولا عضو في الفيفا".

وتابع شوبير:" قدر دخل انتخابات وموفقش ايه اللي فيها؟ ما هي المشكلة أن حضرتك تدخل انتخابات ولا توفق خاصة انت بتقول ان الراجل سيكتسح الانتخابات كل مرة تقول في إكتساح للانتخابات طالما انت واثق انه هيكتسح سيبه بقى يكتسح الانتخابات طالما وافقنا على أصول اللعبة نلعبها صح العبها بأصولها هي انتخابات الناس تاخد فلان وتسيب فلان".

وتساءل شوبير عن رغبة البعض في عدم الترشح ضد هاني ابوريده:" تقول أنا هاعمل انتخابات ومحدش يترشح بأمارة ايه ومحدش يدخل الشاطر اللي واثق من نفسه وواثق من أدواته ما يخفش يخش بقلب جامد كده يقول انا داخل انتخابات".

طالع أيضا

أحمد مجاهد: لو لم يصبح أبو ريده رئيسا للاتحاد المصري انسوا مقعد الفيفا ورئاسة الكاف

استطلاع الراى


رايك في مفاوضات الأهلي مع طاهر محمد طاهر لاعب المقاولون
الدوري العام - 2019/2020