يرى وائل جمعة مدير المنتخب المصري بأن هناك حملات منظمة ضد كارلوس كيروش المدير الفني للمنتخب المصري رغم تدريبه للمنتخب منذ فترة طويلة.

وقال وائل جمعة في تصريحات لفضائية صدى البلد لبرنامج "على مسئوليتي": "انا مش جايبه عشان أقوله تعمل ايه، فيه حملات منظمة بقاله 15 يوم وما فيش دوري وما فيش مباريات، المدرب خد بالأسباب واتفرج على مباريات وكل الإحصائيات واختار القائمة".

وأضاف جمعة: "هو صاحب الحق الأصيل في القرار،  بياخد رأي الجهاز وفي النهاية كيروش صاحب القرار، منتخب مصر مش على حكر على حد ".

وتابع مدير المنتخب تصريحاته: "المدرب اللي جاي هيجامل ليه ولمصلحة مين؟، بيحسبها بالثانية وبيجتهد أنه يطلع أفضل قائمة، يهمه مصلحة الفريق ويهمه مصلحة مصر مش مصلحة لاعب معين أو نادي والله العظيم مفيش مجاملات ولا في حسابات والله والله ولا في مجاملات ولا حساب لحد هدفنا كله اللي يفيد منتخب مصر.

وواصل المنتخب المصري استعداده لمواجهتي ليبيا في تصفيات كأس العالم يوم 8 أكتوبر و11 أكتوبر ويحتل المنتخب المركز الثاني في المجموعة برصيد 4 نقاط خلف ليبيا صاحبة الصدارة برصيد 6 نقاط.