تحدث المشرف العام على فريق الزمالك السابق أمير مرتضى منصور عن إدارة ملف زيزو داخل القلعة البيضاء وعدم تجديده.
وقال أمير:" ملف زيزو أدير بشكل غلط وأنا مش جوة التفاصيل بس زعلان جدًا ،زيزو كان في طريقه أنه يبقى من أساطير الزمالك ويكسر أرقام لاعيبة مهمة ومكنتش احب انه يخسر حب جمهور الزمالك".
وتابع:" فيه أخطاء حصلت في الملف، ولما بتدير منظومة كورة فيه فرق بين أن انت تصنع نجم او تدير نجم وفيه فرق بين أن انت تحافظ على موهبة وتدير موهبة، يعني امام عاشور كان موهبة مش نجم في الزمالك الموهبة دي عايز يخرج يسهر فبتقاومه، بقى نجم المعادلة بتتغير".
وأضاف:" زيزو كان دايمًا محافظ على الصورة والمجمهود وعلاقته مع الجمهور وزمايله والنهاية مكانتش كويسة بغض النظر عن المبررات والمشهد الي خرجنا بيه مكانش كويس، ولو كنت مكان إدارة الزمالك واللاعب رافض يجدد كنت هعمل زي معملت مع امام عاشور ابيعه".
وأكمل:" عقد زيزو كان ٣ سنتين ب ٥٥ مليون، الموسم الأول١٥ و ٢٠ لثاني و ٢٠ الثالث ، العقد اتكتب بالضرائب علشان ميحصلش خلاف زي ايام اللجان أن كل لاعيب شايف هي ٣٥ ولا ٣٤ ولا ٣٠ ولا ٢٥ والقيمة المضافة، كتبتله الأرقام صافي في الشروط الخاصة ومتكتبش للأرقام الي في العقد دي كانت شارحة دي".