يستعد الفريق الأول لكرة القدم بالنادي الأهلي لملاقاة نظيره صنداونز في مباراة الإياب يوم الجمعة المقبل على استاد القاهرة الدولي باحثا عن الفوز والصعود للنهائي والحفاظ على اللقب للمرة الثالثة على التوالي في إنجاز غير مسبوق.
وقال محمد ثابت المتحدث الرسمي للنادي الأهلي في تصريحات على قناة الأهلي: "الحمدلله وسام ابو علي انتظم في التدريبات كاملة وجاهز للمباراة مية في المية".
وتابع: "يحيي عطية الله شد من العضلة التانية وهيواصل التاهيل والمفروض في خلال اسبوعين يبقي جاهز حسب استجابته للتاهيل ، الدبيس كدمة في الكاحل ، كريم فؤاد في المرحلة الاخيرة للتاهيل وعنده قياسات بدنية هتحدد ان شاء الله".
وأضاف: "التجمع النهاردة كان الساعة 4 محاضرة وبعدين المران ابتدى الساعة خمسة ، الحمدلله التمرين كان قوي واللاعيبة كلها جاهزة ، يعني خلينا نقول ان الاسبوع اللي فات اتكلمنا عن ان اللاعيبة كانت اجتمعت وانهم على قدر المسئولية".
وأكد: "اللاعبون عارفين حساسية الفترة وحق الجمهور عليهم فصعب جدا الناس تقعد ترمي اتهامات علي اللاعيبة في وقت زي دة خصوصا ان اللاعيبة مركزة جدا وحاسه بالمسئولية جدا تجاه الجمهور".