كشف إمام عاشور لاعب الأهلي ومنتخب مصر عن كواليس انتقاله من نادي الزمالك وانتقاله لميتلاند الدنماركي.
وقال إمام عاشور في تصريحات ببرنامج "حارس الاهلي": "لما كنت في الحرس ورايح الزمالك الصفقة مكنتش هتكمل لحد اخر يوم القيد وقولتلهم انا هشيل الفلوس الباقية ومش هاخد فلوس اول سنتين".
وتابع: "الموضوع كمل ومكنتش بلعب في الاول وبعدين لعبت ، وفي اخر سنة جالي كذا عرض من كذا دوري برا مصر ، وقعدت سنتين مخدتش ولا مليم بخود مكافآت زي اللاعيبة كانوا بياخدوا من عقدي الفلوس وبيدوها للمحلة والحرس هنا وهنا منا قولتهم خدوا من فلوسي بخود مكافآت وعقد مفيش انا مكنتش اعرف عن عرض ميتلاند.
وأضاف: "عرفت فاجأة وانا كنت عارف اني قاعد مكمل ومش همشي وجددت العقد سنتين حاجة زي كده والعقد متوثقش حد اتصل بيا بدون ذكر اسماء نزلت روحت قابلت الناس قالولي انت هتمشي ، طيب همشي فين في نادي كذا كذا هتروحه كنت انا قبليها بيومين بس احمد يحيي كلمني قالي في ناس عاوزينك ولما روحت قالولي اسم النادي قولتلهم كنتوا لازم تعرفوني".
واختتم: "روحت لقيت العقود جاهزة ودخلت مضيت ودخلت على قناة الزمالك قعد يقولي اقعد وبتاع ، وبعدين روحت مضيت وعملت اللقاء على قناة نادي الزمالك كنت خلاص مضيت ورايح ميتلاند".