تحدث سيد عبد الحفيظ مدير الكرة بالفريق الأول لكرة القدم بالنادي الأهلي عن البطاقة الصفراء التي تلقاها في مباراة الفريق الأخيرة بالدوري أمام البنك الأهلي.

وقال عبد الحفيظ خلال حديثه عبر قناة النهار: "انا قايم بعترض عادي جدا بقوله مفيهاش حاجة خالص هو جاي واخد القرار انا اعتراضي كله كان بعد الانذار".

وأضاف: "أحمد الغندور حكملنا كتير.. آخر 4 مباريات له معانا فاركو السنة اللي فاتت فيها مصيبتين بتاعت هدف بيرسي تاو وكان في طرد مباشر اللاعب خد 8 غرز ومداش للاعب حاجة ولما قومنا نعترض بدل ما يقول هنرجع نشوفها راح مديني انذار".

وأكمل: "آخر 4 ماتشات هو حكمهم للأهلي فاركو اداني انذار السنادي اسوان وسموحة والبنك الأهلي تخيل حكم بيدي لمدير الكرة في 4 مواجهات ورا بعض 3 انذارات للاعتراض الاول، أول اعتراض، مش اعتراض حتى مبالغ فيه.. لا أنت حساباتك شخصية".

وأردف: "قبلها بدقيقتين الدكة التانية بتقوله هتخنقنا راح قالهم اهدوا معايا انا ادى انذار على طول مش بعيب في فنياته لكن الأهلي لعب 15 أسبوع منهم مباراتين بحكام أجانب بيراميدز الزمالك يبقى فاضل 12 أسبوع كابتن أحمد الغندور حكملنا منهم 3 مرات".

وأتم سيد عبد الحفيظ حديثه: "يعني ربع مباريات الأهلي كان أحمد الغندور حكم فيها وكلها مش نموذجية أنا مش عاوز أشكك في حد.. هل مش هو اللي كان هيحكم وبعدين تم تعيينه الله أعلم أنا مش بعترض أنا شأني شأن أي حد".