هاجم أبوتريكه لاعبي المنتخب القطري والجهاز الفني عقب الهزيمة من الإكوادور في افتتاح مونديال قطر 2022 بأداء سيء طوال المباراة ولم يشكل مستضيف البطولة أي خطورة على مرمى الإكوادور.
وقال تريكه عقب المباراة الافتتاحية: "منتخب قطر مقدمش 10% من مستواهم، انتم مدلعينيهم أوي وهمه كانوا يستحقوا لأنهم كانوا أبطال، البطل ما ينفعش يلعب بخوف معاك 60 ألف متفرج وخايف للدقيقة 50، النهارده مدرب الإكوادور معاه دراعين البلايستيشن".
وأضاف تريكه: "لازم يكون فيه قسوة في النقد، مينفعش يبقى فيه أخطاء في التمركز من المدافعين/ مفيش ضغط، مفيش شراسة، مفيش رقابة، مش مطالب بالفوز بالبطولة مطالب ببذل المجهود، مينفعش تبقى مستسلم، لازم أكون قاسي معاك، لأني متوقع منك الأفضل".
وتابع تريكه: "لازم أحيانا تفوق المجموعة عندك أفضل من كده ايه اللي مخلكش تقدم أحسن ما عندك، انت خايف، الجيل ده محظوظ في الكرة القطرية، لو لاعب في المنتخب القطري هاندم بعد ما اشوف المباراة، أخطاء فردية كتير".
واختتم تريكه تصريحاته: "فيه فرق بين المباراة الودية والمباريات التنافسية مينفعش تحضر منتخب بمباريات ودية فقط لاغير هناك فارق كبير بين متخب جاهز وعنده هوية وده اللي افتقده المنتخب القطري بيلعب برتم المباريات الودية في افتتاح بطولة كأس العالم عكس الإكوادور، متزعلوش من النقد".