رد محمد إبراهيم المشرف العام على البرامج الرياضية بالتلفزيون المصري على تصريحات السيد مراد المشرف السابق على تقنية حكم الفيديو الـ VARفي لجنة الحكام باتحاد الكرة.
وكان السيد مراد قد تحدث أمس الأحد عن أسباب مشاكل تقنية الـ VARفي مصر والتي من بينها عدم التنسيق مع مصوري المباريات على تمركزهم خلال المباريات وعدم تدريبهم على النقل الصحيح للألعاب التي يحتاج الحكم للعودة لمشاهدتها مرة أخرى للتأكد من صحتها.
السيد مراد يتحدث عن أسباب مشاكل تقنية الفار في مصر.. ولماذا لا نستمع للتسجيلات؟
وقال محمد إبراهيم خلال حديثه عبر إذاعة ميجا إف إم: "هذا الموسم بنسبة 99.5% المباريات كلها بتتنقل بتقنية الـ HDوفي وحدات بتطلع بالـ 4kطبعا دي السنادي تقنية أول مرة تحصل في مصر والصورة بقى فيها فرق".
وأضاف: "توزيع الكاميرات ده ورق معتمد من اتحاد الكورة مبعوت بفاكسات رسمية بتوزيع الكاميرات من اول 6 كاميرات لحد 10 كاميرات في مباريات زي الأهلي والزمالك والمباريات المهمة بننقلها بـ 22 كاميرا بيتم العمل بالكلام ده، لو متنفذش الكلام ده من أيام الكابتن وجيه احمد وكابتن عصام عبدالفتاح بيكلمني شخصيا وانا اتحدى اي حد يجيبلي مباراة واحدة اتغيرت فيها خطة الكاميرات بالنسبة لأي مباراة في الدوري".
وأكمل: "السادة المصورين بيعملوا بروفة قبل المباراة مع الفار في حدود ساعتين أو ساعتين ونص علشان يشوف حكم الفار عاوز ايه من كل كاميرا وبيتعمل بروفة قبل كل مباراة ولو محصلتش كابتن عصام عبدالفتاح بيكلمني شخصيا يقولي".
وعن عدم تنسيق المصورين والمخرجين مع حكام الفار، قال إبراهيم: "كان بداية الحوار في 2020 كان الكابتن وجيه أحمد طلب مني وبعتناهم ستاد القاهرة علشان المحاضرات بعتنا المصورين والمخرجين في اليوم اللي هو طلبه هو طلبهم بورق رسمي وبعتناهم وبعديها مطلبوش حاجة تاني".
وأتم محمد إبراهيم حديثه: "المخرج ملوش اي علاقة بتقنية الفار لو مباراة بتتنقل بـ 10 كاميرات كل الكاميرات بتكون مع الفار، بعد مباراة الأهلي والمصري كل فريق العمل اتحول للشئون القانونية واعترفنا بالخطأ لأنه وارد لكن محصلتش في أي مباراة تانية".