كشف الإعلامي أحمد شوبير، عبر إذاعة أون سبورت إف إم، آخر تطورات مفاوضات الأهلي لضم محمود صلاح، لاعب غزل المحلة، مؤكدًا أن الصفقة اقتربت من الحسم رغم وجود خلافات حول بعض التفاصيل المالية.

وقال شوبير: «ناس كتيرة بتسألني عن محمود صلاح، انت يا كابتن قولت 99% إنه في الأهلي، وما زلت بقولك كده، بس بتحصل في الأمور أمور. هما كانوا شبه وصلوا لاتفاق، الأهلي طالب يقسط المبلغ على دفعات، وفي موضوع البونص».

وأضاف: «غزل المحلة بيقولك إحنا بنبيع بيع غناوة، إحنا مش مستعجلين، الولد ممكن يبقى أحسن من كده ويروح المنتخب وسعره يكبر، لكن الأمور مقربة جدًا، وفي خلاف على بعض التفاصيل».

وتابع شوبير: «في حاجة كمان حصلت، إن غزل المحلة عنده مباراة ودية مع حرس الحدود، والولد كان منتظم مع المحلة في التمرين، وقبل المباراة قال مش هقدر ألعب، فتم استبعاده من المعسكر، ومنتظرين القرار، يا إما يتباع أو هيكمل، وساعتها هيبقى في عقوبة»، واختتم: «هرجع أقولك بنسبة تكاد تكون مؤكدة، محمود صلاح في الأهلي».