علق حازم إمام، نجم الزمالك ومنتخب مصر السابق، على أزمة البولندي كونراد ميشالاك المتعلقة بموقف خوان بيزيرا، لاعب الفريق الأبيض، ورغبة اللاعب في الرحيل عن النادي خلال فترة الانتقالات الحالية.
وقال حازم إمام، خلال تصريحات إذاعية عبر «أون سبورت»، إن الزمالك يجب أن يوافق على بيع خوان بيزيرا حال وصول عرض مالي بقيمة 6 ملايين دولار، خاصة في ظل رغبة اللاعب في الرحيل عن الفريق.
وأوضح نجم الزمالك السابق: «عن أزمة خوان بيزيرا؟ أنا بشوف فكرة إنه لو جالك 6 ملايين دولار، لو جاله 6 ملايين فعلًا، وأنا معرفش ده صح ولا غلط، وهو بيقولك أنا مش عايز وعايز أمشي، خلاص».
وأضاف حازم إمام أن استمرار لاعب لا يرغب في البقاء داخل الفريق قد يمثل مشكلة بالنسبة للزمالك، قائلًا: «صدقني هو محدش بيقعد، بيبقى دايمًا غصب عنك هتقعد، ومش هتاخد منه كورة، وده وجهة نظري، ممكن يبقى ضغط، مفيش حد صبور».
وتابع: «أنا بقوله خُد الـ6 ملايين دولار وبِيعه، لأن ده هيبقى في صالحك أنت أولًا، هتقعد السنة دي كلها مستقر ماديًا، ومفيش فلوس بتتأخر».
وأشار حازم إمام إلى أن رحيل بيزيرا قد يؤثر على نتائج الزمالك خلال الموسم الحالي، لكنه يرى أن العائد المالي من الصفقة يمكن أن يساعد النادي على تجاوز أزماته المالية والاستعداد بشكل أفضل للموسم المقبل.
وقال: «اللعيب هيأثر آه، وممكن متكسبش الدوري السنة دي، لكن هتبقى مرحلة انتقالية، وتدخل السنة الجاية معاك فلوس، ومفيش مشاكل عندك خالص، ومجهز نفسك للموسم الجاي بشكل كويس».
واختتم حازم إمام تصريحاته بالتأكيد على أهمية الاستفادة من المقابل المالي للصفقة في حل الأزمات التي يعاني منها الزمالك، موضحًا: «السنة دي كلها تبقى فترة أنت مشاكلك المادية محلولة تمامًا تقريبًا، يعني رقم كبير حوالي 300 مليون جنيه أو حاجة، والـ6 ملايين دولار رقم كبير جدًا، هنحل بيه مشاكل كتيرة جدًا، وهيخليك طول السنة مرتاح وهادي، ومعندكش مشاكل».