أكد محمد حافظ، والد زوجة إمام عاشور، أن نجم الأهلي لا يفكر في الرحيل عن القلعة الحمراء، مشددًا على أن تركيزه ينصب حاليًا على مواصلة التألق مع الفريق، وأن أي عروض احتراف مستقبلية ستكون من خلال إدارة النادي.

وقال حافظ، في تصريحات عبر قناة "إم بي سي مصر": "إمام بيحب الأهلي جدًا، والباب الأول والأخير الأهلي، مفيش باب تاني دلوقتي".

وأضاف: "إمام حقق حاجات كبيرة، ورقم 22 في الأهلي مسؤولية كبيرة، وهو بيتمنى يحقق أكتر مع النادي، وكل تركيزه إنه يجيب أهداف كتير ويبقى عنصر أساسي ويمتع نفسه كرويًا".

وتابع: "لو جاله عروض فهي هتبقى عن طريق النادي الأهلي، وكل حاجة في إيد النادي الأهلي، وإحنا بنحترم النادي جدًا".

واختتم تصريحاته مؤكدًا تقدير الأسرة لدور الأهلي في مسيرة اللاعب، قائلًا: "الأهلي وقف مع إمام، وكان ممكن مايلعبش كرة، وعشان كده عمره ما هيخسر النادي الأهلي، وكل حاجة تخص مستقبله في إيد إدارة النادي".