علقت نيرة الأحمر، عضو مجلس إدارة الزمالك، على بيان جون إدوارد، المدير الرياضي، بشأن وجود كوارث تهدد مستقبل فريق الكرة.
وقالت نيرة عبر قناة الزمالك: "عشان نبقى بنقول الكلام علي نور بقى خلاص أصل النهاردة خلاص نادي الزمالك اللي كلنا بنحبه وننتمى ليه وعشان الناس اللي بتقولك مجلس الادارة مدفعش لية وانا ممكن اقولك أرقام دلوقتي."
وأضافت:"مجلس الادارة دفع محبين الزمالك دفعوا لكن النهاردة لما تبقي بتكلم هناك شخص لوحده وهو الاستاذ ممدوح عباس داخل في 300 مليون جنية ان مكانش اكتر ولو بتكلم عن مجلس الادارة ممكن اقولك ممكن اقولك واحد واحد فيهم دفع كام وارقام."
وكشفت عن أسماء الذين ساهموا بمبالغ مالية لنادي الزمالك: "كابتن حسين السيد دفع كابتن هشام نصر دفع كابتن حسين لبيب دفع الاستاذ هاني شكري دفع الاستاذ هاني برزي دفع الاستاذ احمد خالد حسنين دفع الاستاذ رامي نصوحي دفع الاستاذ محمد طارق الدكتور حسام المندوه الاستاذ عمرو ادهم كابتن احمد سليمان كله دفع ، كله دفع ومحبين النادي دفعوا."
وأتمت: "الازمة المالية طاحنة ، فالنهاردة القصة مش مجلس الادارة هيدفع كام هناك اخطاء اكيد كل عنصر بشري عنده اخطاء لكن دايما بقول قراراتك تحت ضغط مالي ومع ازمة ماليه بتكون قرارات في الغالب صعبة جدا والاختيارات اللي بتكون قدامك كلها صعبة بتختار الاقل صعوبة لكن كلها صعبة."