أكد الإعلامي أحمد شوبير، خلال برنامجه على راديو أون سبورت، أن النادي الأهلي تواصل بالفعل مع نادي بتروجيت للاستفسار عن موقف حامد حمدان، قائلًا: «بقالنا فترة بنتكلم على موضوع الأهلي وحامد حمدان، وأيوة الأهلي تواصل مع بتروجيت، وده كلام مصدر مسؤول جوه نادي بتروجيت نفسه، وقالوا لي صراحة الأهلي تواصل معانا وسألونا لكن لسه ما قدموش عرض رسمي، الأهلي كان بيتأكد من موقف حمد حمدان».

وأضاف شوبير أن رغبة اللاعب واضحة في الانتقال للأهلي، مؤكدًا: «وأقولها لك لأول مرة، حامد حمدان مرحب جدًا باللعب للنادي الأهلي، وده كلام أنا مسؤول عنه بنسبة 1000%»، مشيرًا في الوقت نفسه إلى أن الأمور المادية قد تلعب دورًا حاسمًا في مسار الصفقة خلال الفترة المقبلة.

واختتم شوبير تصريحاته قائلًا: «الناس في بيراميدز لما اتسألوا قالوا مش هندخل في مزايدات، هنقدم العرض بتاعنا وخلاص، فممكن يكون حمد عايز الأهلي، وممكن العرض بتاع بيراميدز يكون أكبر أو أعلى، ولسه الدنيا مش واضحة، والتفاوض ممكن ياخد شكل تاني خالص».