فتح حسام حسن المدير الفني للمنتخب المصري لكرة القدم حسام حسن النار في تصريحات نارية بعد مباراة كاب فيردي.وقال حسام حسن:" أي مدرب في أندية سيراميكا أو البنك الأهلي أو المصري بياخد مرتب أكتر من المدير الفني بتاع المنتخب، كان عندكم واحد اسمه فيتوريا أو ميكالي مدرب منتخب ناشئين… ناشئين! وأنا منتخب أول، بياخد أضعاف أضعاف أضعاف المدير الفني بتاع منتخب مصر، محدش سمع صوتي". وتابع :" عيب ومينفعش مدرب منتخب الناشئين ياخد أحسن من المدير الفني عشان أنا مصري، ومتكلمتش عشان بلدي وأنا راضي، لان أنا عندي مهمة كبيرة لشعبي والناس اللي بلعب عشانهم، كنت بموت نفسي عشانكم، عشان الناس تفرح، كل الجماهير سواء الأندية أو منتخب مصر، أنا أكتر واحد لعبت لمنتخب مصر لحد 40 سنة، وعارف قيمة منتخب مصر، وعارف إن فرحة الشعب المصري هي بانتصارات المنتخب المصري".وأكمل:" أنا جاهز… وياما دقّت على الراس طبول، وفاتح صدري، اللي عايز يضرب رصاص أو قنابل والله ما يفرق معايا حد. وصلنا كأس عالم، ووصلنا نهائيات كأس الأمم، شوية السوشيال ميديا عايزين تجيبوا مدرب أجنبي عشان ياخد من قوت الشعب الدولارات، خدوا! بس إحنا وصلنا كأس عالم، مين اللي وصلهم؟ الجهاز المصري الوطني".