تحدث حازم إمام، نجم الزمالك السابق عن الجدل الدائر حول موقف محمد السيد لاعب الزمالك الحالي، مؤكدًا أن الأزمة الحالية سببها ملف التجديد مع النادي.وقال حازم في تصريحات تلفزيونية: "سمعت إن الجمهور هاجم محمد السيد في الملعب، والضجة كلها معمولة بسبب الإمضاء، الزمالك عايز يجدد وهو مبيجددش، وده خلا الجمهور يسأل هو مين ده؟".وأضاف: "من الناحية الفنية، محمد السيد لسه مثبتش نفسه في الفريق الأول، يمكن ظهر بشكل كويس في قطاع الناشئين، لكنه حتى في كأس العالم ملعبش كتير ومكنش واضح، هو لاعب عنده إمكانيات كويسة، لكن لسه محتاج يثبت نفسه".واختتم حازم إمام تصريحاته قائلًا: "فكرة إنك تكون من ناشئي الزمالك وييجوا يجددوا معاك وتقولهم بكرة أو بعدين، دي اللي خلت الناس تتكلم عليه، وأنا أتمنى أكون غلطان، لكن شايف إنه مش عايز يجدد وأتمنى يكون العكس".