أكد محمود عبد الرازق شيكابالا، لاعب الزمالك السابق، أن إدارة النادي مطالبة بالتحرك سريعًا لتأمين بقاء المدافع الشاب حسام عبد المجيد، والذي لم يتبقَ في عقده سوى عام ونصف، مشددًا على أن استمرار العناصر الأساسية ضرورة ملحة إذا أراد النادي المنافسة على البطولات في الفترة المقبلة.
جاء ذلك خلال حوار جمعه بالإعلامي إبراهيم فايق في برنامج "الكورة مع فايق"، حيث تساءل فايق:"حسام عبد المجيد يتبقى له سنة ونصف في عقده.. إزاي الزمالك يحافظ عليه؟"
ورد شيكابالا:"لازم حد يقعد معاه، يقوله النادي عايز منك إيه.. مصر كلها بتدفع ملايين، ولو حاسس إن ده لاعب هتبني عليه، يبقى لازم تريحه نفسيًا وتخليه مستقر".
وتابع إبراهيم فايق حديثه معلقًا على صعوبة الوضع المالي في النادي:"هاقعد معاه إزاي وأخليه مرتاح، وأنا مش قادر أدي اللعيبة مستحقاتهم؟"
ليرد شيكابالا بنبرة حاسمة:"ما هو مش إحنا اللي قلنا في بداية الموسم إن فلوس الكورة محطوطة لوحدها، وملهاش علاقة بمشكلة الأرض ولا أي حاجة تانية؟ طالما ده اللي اتقال، تبقى دي مشكلتك كإدارة، مش مشكلة اللعيبة".
وأضاف:"لو عايز مستوى الزمالك يفضل موجود، لازم تحافظ على اللاعبين اللي ينفع يتبني عليهم زي حسام، متخليش الكويسين يمشوا.. حسام لسه في إيدك، ولو عايز بطولات، لازم تحافظ عليه".