كشف عصام عبد الحميد، المدير الفني السابق لفريق كرة السلة بنادي الزمالك، تفاصيل رحيله عن الفريق بعد أقل من شهر من توليه المسؤولية، مؤكدًا أن قراره جاء بعد سوء فهم لما قدمه من مطالب فنية للإدارة، وليس ندمًا على قبول المهمة.

وقال عبد الحميد في تصريحات عبر بودكاست "بلوكاست": "أنا عمري ما ندمت على تدريب الزمالك، بالعكس النادي ده حياتي وحبي، لكن لما الأمور ما تكونش ماشية بالشكل اللي يحقق النجاح لازم أكون واضح. كتبت ورقة فيها احتياجاتي من لاعبين وبعض النقاط الفنية، لكن واضح إنها اتفهمت بحساسية."

وأضاف: "أنا كنت بطلب حقي الطبيعي كمدير فني، عشان أوضح موقفي للإدارة والناس. قلت لهم لو ده مش توجه النادي خلاص، قولوا إن ده قرار النادي مش قراري. لأن في النهاية أنا مش عايز أتحمل مسؤولية حاجات مش بإيدي، سواء في الصفقات أو المحترفين أو الميزانية."

وأوضح المدير الفني السابق أن غياب أدوات النجاح وعدم وضوح الرؤية الفنية كانا سببًا مباشرًا في قراره، قائلاً: "أنا شوفت إن الأدوات اللي المفروض تساعدني على المنافسة مش متوفرة، فكان لازم أكون صريح وأقول خلاص، لأن الاستمرار في الظروف دي كان هيكون ظلم ليا وللنادي."

واختتم عبد الحميد حديثه مؤكدًا رفضه التام لفكرة إلغاء الألعاب الأخرى داخل النادي، قائلاً: "نادي الزمالك مش كرة قدم بس، الزمالك تاريخ كبير في السلة والطائرة واليد، والألعاب دي صنعت جزء مهم من هوية النادي."