تحدث عدلي القيعي عبر قناة النادي الأهلي عن المدير الفني للقلعة الحمراء السابق ريبييرو واكتشاف الخطأ مبكرًا وعن سمات المدرب الجديد.

وقال عدلي القيعي:" لما كنا نروح لدكتور في مشكله طبية كان يقولك  ياريتك جيت من شهرين أو الحمد لله انك جيت دلوقتي، توقيت اكتشاف المرض جزء كبير من خطة العلاج أصعب حاجة انك تعمل التحاليل وتلاقي الأعراض مش عارفة تخليك تعيش واكتشاف المرض والتشخيص مهم والتشخيص المبكر مهم ، ما يحدث في الاهلي هو اكتشاف مبكر لأي خلل او تشخيص مشكلة وهنا تأتي الصراحة وشجاعة المواجهة مفيش مانع ان الظروف تبقى معاكسة او تديني حقي وسبني اقيم نفسي لكن مؤكد ايضًا انك تشاور على عيوبك بس تكتشفها وكأس العالم الأداء احسن من النتائج ولكن من عند العودة الأداء مش جيد والأهلي واجه مشاكله".

وأضاف ؛" نجاح المدرب مش قدرات فنية بس وملاحظتي الي كنت بقولها البادي لوجنتش مهمة علشان تعد تكلمني واديك إهتمام أشعر أني قدام حاجة حقيقية حية بتفرح وتغضب إنما الوش الي لابس قناع لا يتغير مش بيصدر طاقة إيجابية موهوم ولما تبصله عايز تطبطب عليه ومليش دعوة بالفنيات ممكن يكون شغلك كويس علشان التلاحم الي بينه وبين اللعيب يكون على المستوى لازم يكون هناك دفئ وحرارة وفكرة ان مجراش حاجة مش كويسة في الاهلي ولازم تشوف علاقته وتدرسها".

وأكمل :" فكرة ان كل مدرب يجي ياخد الي هو عايزه مننا وأول ميحقق يمشي عملها فايلر و موسيماني وكولر  ، كولر كان عايز يكمل اه بس قال كتر خير الدنيا تشبع والمدرب الي يبقى مستغرب عايزين مني اي تاني مش هتاخد حاجة منه و موسيماني منح اجازات كتير".

وأزاد :" جوزيه كان عنده سمات شخصية تخلي اللعيبة خايفة وعايزة رضاه وعارف امتى يضحك وامتى يكشر وكان احسن واحد كان بيقبل انه يتغير ويعد دكة وكان فيه اخفاقات ولكن الناس تحملت وكان انسان مع الجماهير وشافوه وهو بيضحك ويكشر وهو ملهوش كبير وكتت بتتعامل مع إنسان فيه مزايا وعيوب ويعيشك ان فيه حياة فبتستحمل منه".

وأزاد :" أتمنى واحنا بندرس ونشوف المدربين دول قادرين على استنفار أفضل ما في اللاعبين وجاريدو كان كويس ولكن وتيرة واحدة وبخاف من أصحاب الابتسامات المتعلقة او الي قافل وشه عايز بني ادم يكون فيه كل السمات ، ديدرش فايزا كان اسمه البرنس كان راقي لكن كان ألماني واضح ثابت قاله مش بلعب ليه قاله شوبير كان حارس منتخب لما تبقى حارس المنتخب العب ، واللاعب ادهشه خلاه يعتذرله وقال على هاني رمزي انه كان بيزيد قي التمرين وخرجه لاعب محترف".

واختتم :" المعادلة دي الطرح فيها بيوصلنا اننا ناخد قرار ظالم بيقولك هات أجنبي وريح دماغك ولو عندك الجوهري مش هتسال أجنبي ولا مصري صالح سليم خد السايس مسكه فريق أول مكان دون ريفي المهم تعمل اي بالفرصة والي اختارك اختارك ليه وكل مرة يمشي مدرب يجي فتحي مبروك أو حسام البدري أو زيزو أو محمد يوسف أو عماد النحاس وكلهم كسبو بطولات ودة مهم يقدر يديك ولكن يقدر يواصل ويكمل اه لأنه يملك القدرة لا هو قدرته على التحمل توصل لحد فين وقدرة الناس من اول خلل توصل لحد فين وانت مش بتدي المصري ثقة زي المدرب ودة الجمهور والمسؤول دايما عايز يدي الثقة ودايما عايز التجربة تاخد فرصتها".