علق لاعب الفريق الأول لكرة القدم بالنادي الأهلي عبر فيديو على صفحة النادي الرسمية على الفيس بوك عن أزمته الأخيرة مع القلعة الحمراء.
وقال وسام أبو علي: أخر فترة كان في كلام كتير علي السوشيال ميديا والإنترنت حوالين اسمي وعاوز أوضح الأمور أولا أعتذر لجمهور النادي الأهلي ورئيس النادي الأهلي كابتن محمود الخطيب والإدارة والفريق وأي حد ليه مكان في قلبي زي الجمهور علي التصرف اللي أنا عملته والحاجات اللي حصلت".
وتابع : أهم حاجة أن الناس تسامحني علي اللي عملته أنا كنت مضغوط في حاجات عائلية ومخضوض ومش عارف اتصرف ازاي والموضوع كبر بين أيدي ، لكن أنا قاعد بتكلم ودة الكلام اللي لازم يتسمع والحقيقي".
وأكمل حديثه قائلًا: أنا مش عايز غير الحب بيني وبين الجمهور والنادي والإدارة أنا بقالي فترة موجود في مرحلة ضغوط أسرية شوية ، عملت حاجات واتصرفت بطريقة ممكن مش موافق عليها برضو لأن مينفعش أي لاعيب في الأهلي يعمل كدة دة نادي كبير وعظيم والعلاقة بيني وبين النادي جميلة جدًا".
واختتم: النادي الأهلي اللي طلعني لفوق والنادي والجمهور اللي عملني ووصلني للمرحلة دي وخلاني يجيلي فرصة إحتراف وأندية تانية وتوصلني لموقف اني بقيت نجم في الاهلي مع النجوم الموجودة دي كلها اداني احلي سنة ونص في حياتي".