وجّه الإعلامي أحمد شوبير، خلال برنامجه "حارس الأهلي" عبر قناة النادي الأهلي، رسالة مباشرة إلى من وصفهم بـ"المهتمين الزائدين عن الحد بشؤون الأهلي"، مطالبًا إياهم بالتركيز على أنديتهم بدلًا من تقديم النصائح للفريق الأحمر.
وقال شوبير:"أفكر أقولها ولا لأ.. هو ليه البعض شاغل نفسه بالنادي الأهلي؟ إحنا شاركنا في كأس العالم، وإحنا اللي بنحاسب نفسنا. عندنا اجتماعات مستمرة من ساعة ما رجعنا علشان نشوف هنكون أفضل إزاي."
وأضاف: "حضرتك عندك نادٍ كبير وجميل وعظيم؟ طيب وفر نصايحك لناديك.. خد خبراتك العظيمة دي واديها لناديك بدل ما تبقى جهبذ علينا."
وأكد شوبير أن الأهلي نادٍ يحصد البطولات ويشارك في المحافل الكبرى، ومع ذلك لا يرضى عن أي إنجاز، متابعًا:"إحنا نادي لما ناخد الدوري والكأس والسوبر وأفريقيا ما بنرضاش.. دايمًا عايزين الأحسن."
وتابع: "لو عندك أفكار خزعبلية أو إنترنتية أو خوزرامية خدها للنادي بتاعك.. أفيدلك بدل ما تعلق على الأهلي وأنا مش بلقح والله انت بس خليك في ناديك."
واختتم حديثه بتأكيد ثقته في أبناء الأهلي، قائلاً:لدينا من أبناء النادي من يقدر يأخد الأهلي لأعلى البطولات وأعلى الإيرادات، ومعظمهم بيشتغلوا تطوعًا حبًا في الكيان مش مصلحة."