تحدث عدلي القيعي عبر قناة النادي الأهلي عن برنامج مهيب عبد الهادي وإرتداءه تيشيرت النادي الأهلي عبر البرنامج التي يقدمه عبر قناة إم بي سي مصر.وقال عدلي القيعي:" يا استاذ مهيب، خف تخف، عمال تحطله الألفاظ في بقه وفي الآخر تحرج نفسك وتقول انا مقلتش كده انت عاوز توصل أنك تضرب في المدرب، اللي أنا شفته ان توجه ام بي سي تقف في ضهر الأهلي وملبسينكم تيشيرتات حمراء بس قلوبكم سوداء لسة قلبك اسود مهما لبست تيشيرت أحمر".وتابع:" يا استاذ مهيب مش هنعديلك حاجة أوعى تفتكر اللي بتعمله غايب عننا أو جماهيرنا لو كنت مش طايق على نفسك هون على نفسك اعتذر خلال الفترة المؤلمة بالنسبالك وشوف حد إعلامي يتمالك نفسه أمام الرأي العام".وأضاف:" كل الكلام تلقيح أنت مالك أنت مقدم برنامج تدير حوار بناس بتفهم مش دورك تقول اللي متعرفهوش أنت عاوز تضرب في الحتة دي ان الأهلي صرف وجاب لاعيبة كتير وجايب شيف مش قد الطبخة انت دقت امتى واستطعمت امتى".