شن الكابتن مصطفى عبده، نجم الأهلي السابق، هجومًا حادًا على المدير الفني للفريق، السويسري مارسيل كولر، عقب خروج الفريق من بطولة دوري أبطال إفريقيا، مؤكدًا أن المدرب أصبح عبئًا على الفريق، ولا يُحسن قراءة المباريات أو اتخاذ القرارات الفنية المناسبة.
وقال عبده مصطفى خلال تصريحاته على قناة MBCمصر:"في الماتش اللي فات قولت إن كولر عمل ماتش كويس هناك، لكن لو لعب بنفس التشكيل هنا مش هينفع.. وده اللي حصل! أنت بتلعب في ملعبك مش برا، مش عارف بتعاند مين؟ لو عايز تمشي امشي.. الجماهير تعبت وعايشة في نكد بسببك".
وأضاف:"مش فاهم كنت بتفكر في إيه، لا قريت الماتش صح، ولا التغييرات كانت مناسبة، ولا حتى إدارة المباراة كانت عدلة. كل حاجة كانت غلط، وبصراحة أنا مختلف مع الناس اللي بتتكلم عن بطولاته.. كسب 11 بطولة؟ الأهلي وفر له كل حاجة عشان ينجح".
وواصل"النهاردة طالع يقولك أنا متعادلتش، أنا ماخسرتش!.. إنت شارب حاجة؟ الكلام ده مايتقالش بعد خروج مرير من بطولة كبيرة زي دي".
وأوضح:"كتير من اللاعيبة النهاردة اتأكدوا إن كولر لازم يمشي، لأنهم كانوا هيعتزلوا لو استمر، الراجل مش قادر يطلع من القماشة اللي معاه أقصى حاجة".
واختتم :"عندي معلومة مش مؤكدة، إنهم اتصلوا بمدرب وقالوله هنكلمك السبت أو الأحد، والمدرب ده ممكن يجي يقعد مع الفريق شهر قبل كأس العالم".