أصدر محمد الدماطي، عضو مجلس إدارة النادي الأهلي توضيحًا بشأن التصريحات التي أدلى بها قبل يومين، مُشيرًا إلى أن المنافسة بين المارد الأحمر والزمالك تنحصر داخل الملعب فقط.

وكتب محمد الدماطي عبر حسابه على موقع التواصل الاجتماعي فيسبوك: "كلمتين عشان القيل والقال الكتير، وعشان أنا مش بحب جو التقطيع وسوء النية".

وأضاف: "أنا قولت في حديثي اللي متقالش من زمان في علاقة الأهلي بالزمالك، وقولت إن مفيش حاجة اسمها عداوة وده جو خيالي، وطول ما في كشافات بتترفع في الدقيقة 20من جمهور الأهلي، والدقيقة 74 من جمهور الزمالك يبقى مفيش حاجة اسمها عداوة".

وتابع: "قولت ان لو حشجع ضد الزمالك في ماتش، لكن لو عندي اختيار أحب دايما الزمالك يبقي موجود، وكل بيت وشركة ومدرسة عبارة عن جمهور أهلي وزمالك، حتى دوري 2021 قولت إن لو النادي الأهلي كان مكان الزمالك وقتها كان حصل نفس الموضوع".

وأتم محمد الدماطي تصريحاته قائلًا: "وأنا بكتب الكلام دة لا عشان شكاوى ولا غيرة، عشان مش دي مشكلتي، لكن محبش اني أبقى مثار جدل أو تعصب".