تحدث مارسيل كولر، المدير الفني للنادي الأهلي، بعد التعادل السلبي مع البنك الأهلي في مباراة الجولة الرابعة من الدوري المصري، وقال شوية حاجات مهمة عن أداء الفريق.
قال كولر: "الشوط الأول كان مستوى الفريق مش كويس، لكن بين الشوطين اتكلمت مع اللاعبين، وتحسننا شوية في الشوط الثاني".
وتابع: "رامي ربيعة سجل هدف في الشوط التاني، لكن الفار ألغه، عشان كان فيه لمسة يد، عملنا فرصتين في الشوط الأول وبرضه فرصتين في التاني، لكن عندنا مشكلة في استغلال الفرص، ودي لازم نلاقي ليها حل، ولو استمرت هتفضل معانا".
وواصل: "حل مشكلة التهديف؟ أننا ببساطة نحرز أهداف النهارده المهاجمين جالهم فرص ومستغليناش الفرص ودي مش مشكلة جديدة من سنتين عندنا نفس المشكلة وموضوع اصلاحها مش سهل بسبب ضغط المباريات واللاعيبة لازم يكون عندها تركيز أكثر ولازم يشتغلوا عليه اكثر بنضيع فرص كتير ودي ليها علاقة بالتركيز».
واتم : "مفيش حاجة اسمها عقدة ستاد السلام، أنا كنت عارف قوة البنك الأهلي هجوميًا وسرعة لاعبيه. في الشوط التاني خلقنا فرص أكتر، ولو جابنا الهدف الأول كان ممكن نجيب التاني كمان".