صرح الإعلامي عمرو أديب بأنه كان متأكد من أنه لم يتم خصم 3 نقاط من نادي الأهلي آخر الموسم قبل إعلان لجنة الاستئناف القرار الخاص بها.

وقال عمرو أديب: "حد كان متخيل ان النادي الاهلي هيفقد 3 نقط اضافية، اشك كلنا كان عندنا قناعة تصل لحد اليقين ان محدش هيقرب من الاهلي".

وتابع: "الاهلي مش هيتخصمله ليه ده تاريخ وموضوع طويل يطول شرحه بس محدش هيجي على الاهلي، عمري ماشوفت الاهلي كان طرف وخسران، الاهلي دايما عنده حجة ومنفذ بعد اسابيع اللجنة طلعت قالت احنا مناش دعوة طب قولتوا ليه من الاول وقالوا أصل قرارات الرابطة نهائية مينفعش نعمل فيها حاجة".

وأكمل: "طب احنا روحنالكم ليه، لو روحت الكاس أو روحت لفيفا هينصفوا الأهلي والاهلي بس اللي بيتنصف عشان هو نادي جبار وعظيم ونادي مصر احنا موجودين بس عشان الاهلي يكسب وعشان يبقي فيه دوري".

وزاد: "الاهلي بس انتوا بس بتنسوا الناس بعد الماتش قالك القرار كان غلط واحنا الدوري راح بس هوب لحظة كده قالك سوبر اهلي وهيخود الدوري، باخت أوي يعني لو مفيش منافسة ولا عدل طب بنتفرج عليها ليه".

وأضاف:  "الزمالك رفض اي هدية ورفض اي تعثر وبيراميدز عمال يتعثر انما الاهلي نادي جبار وعظيم وهي هي نفس الحكاية المملة الاهلي بيكسب برده وبدون منطق ولا عقل".

وأكد: "مسابقة الدوري بعد كده محدش هيتفرج عليها واحنا لما اترتبنا كدوري مصري طلع الاخير وده ليه عشان مفيش منافسة مفيش عدالة مفيش منطق".

واختتم: "وقالك الاهلي عنده عذر قهري هو ايه بقي العذر القهري كان فيه زلزال كان فيه براكين كان فيه ديناصور، انا والله مكنش عندي اي احساس انه هيتخصم منه الـ3 نقاط".