كشف أحمد شوبير الإعلامي بقنوات أون تايم سبورتس، عن تفاصيل جديدة بين مسئولي النادي الأهلي، ومحمد عبد المنعم مدافع الفريق لتمديد تعاقده مع النادي.
وقال شوبير خلال حديثه عبر إذاعة أون سبورت: "الأهلي قال لمحمد عبد المنعم هعدلك عقدك وتمد سنتين قال أنا أعدل عقدي بس مش همد فالدنيا واقفة شوية في هذا الأمر بس هتخلص إلا إذا كان عنده عروض أوروبية ولحد دلوقتي مفيش عروض أوروبية".
وأضاف: "ديانج والوكرة القطري مفيش عرض من الوكرة القطري حتى محمد بن فهد المتحدث الرسمي باسم النادي قال كل ده محصلش وان ديانج مش في حسابات النادي.. ديانج عقده يخلص مع الأهلي 2026".
وأكمل: "الأهلي هيعمل صفقات لكن في بعض المشاكل إصابة علي معلول هتعمل القصة بتاعت التجديد بتاعته ازاي غالبا لن يقيد في القائمة الأولى هتعمل فيها ايه لأنه قدامه من 4 لـ 6 شهور.. أليو ديانج مكمل مفيش مشكلة".
وواصل: "أنتوني موديست اعتبروه مشي.. محمد الضاوي كريستو متأقلمش أنا شايفه لاعب موهوب بس متأقلمش مع النادي الأهلي الدنيا بالنسباله مش فاتحة هو قاعد لوحده والولد صغير فالأمر صعب بالنسباله أنا معتقدش أنه مش هيكمل".
واختتم شوبير حديثه: "رضا سليم لاعب هايل.. وسام أبو علي مش أجنبي لأنه الفلسطيني بيتحسب مصري.. الأهلي عنده حدوتة في اللعيبة الأجانب هيمشي مين هيقعد مين فيها حوار وكلام كتير جدا".