كشف أحمد شوبير الإعلامي بقنوات أون تايم سبورتس موعد بداية العمل الرسمي لبناء ستاد النادي الأهلي المقرر بنائه في مدينة الشيخ زايد.

وقال شوبير خلال حديثه عبر إذاعة أون سبورت: "بكرة (التلات) هيبدأ الشغل الرسمي والفعلي في الاستاد.. الايد الشقيانة تبدأ تشتغل اتحط الأساس خلاص لكن بكرة البدء الفعلي لبناء استاد النادي الأهلي هو هيبقى باسم إحدى الشركات لأنه ده استثمارات كبيرة جدا".

وأضاف: "سيادة الرئيس عبد الفتاح السيسي هو اللي ساهم أن الأهلي ياخد التصاريح لأنه هناك علشان الارتفاعات والقصة والحدوتة السيد رئيس الجمهورية كسر كل المعوقات والروتين وكانت وجهة النظر أنك بتعمل استاد وملعب ونادي بتعمر المنطقة فبيخش الناس".

وأكمل: "أنا ليا تحفظ أنه 40 ألف على نادي زي النادي الأهلي هتيجي في مباراة في افريقيا هتلاقي العدد قليل حاسس ان السعة قليلة في الماتشات الكبيرة حد قالي أنها قابلة للزيادة".

واختتم شوبير حديثه: "حتى هذه اللحظة الأهلي موزعش الدعوات للسادة اللي هيحضروا لكن الأهلي بينوي دعوة مسئولين كتير وعدد من النجوم القدامى ومحدد مدة الحفلة 70 دقيقة فقط لا غير أعضاء مجلس الإدارة ميعرفوش التفاصيل كابتن محمود الخطيب متكتم على كل حاجة لأنه هيبقى في فندق ومستشفى وملاعب فرعية ومتحف النادي الأهلي هيرى النور".