أكد المدير الفني للنادي الأهلي السويسري مارسيل كولرأنه دائمًا يتحدث مع الجهاز الفني والموضوع مش سهل لأن الجهاز فني كله ناس عندها خبرات كبيرة وكل واحد ممكن يبقى رأيه مختلف وباخد كل الأراء وفي الأخر هو قراري أنا وبحدد ال ٢٠ الي بيدخلوا قائمة المباراة.
وقال كولر عبر لقاء تلفزيوني مع إبراهيم فايق: ببقى زعلان أن بيبقى فيه لاعيب او ٢ كانوا معانا ومقدرتش ادخلهم لكن هي الكورة كدة وفيه محاضرة مباراة الترجي أكدت لهم أن الجميع مهم ومش هنكسب غير لو كل القائمة على قلب رجل واحد ومعنديش حب وكرة وبحب جميع اللاعبين.
وتابع كولر: النادي الأهلي كبير جدًا ومطالب بتحقيق جميع البطولات فلابد أن يكون القرار قرار كورة فقط، واخدت ال 12 ملحقتش أروح لقيت الناس بتطالب بال 13 والظاهر أن هنا الطبيعي كدة حتى لو مش موجود في العالم وانت ملحقتش تفرح تلاقي الجمهور بيطلب الي بعدها وببقى سعيد بهذا.
وأضاف: لم أكن اتخيل شعبية الأهلي بهذا الشكل قبل التعاقد وعارف الفريق من قبل تدريبه واسم مشهور ولكن في اوروبا مفيش مجال انك تتفرج على إفريقيا كتير ولما جالي التعاقد كان عندي فرصة ابص كويس على العرض لأني كنت مركب ركبة صناعية لأني كنت عامل حادثة فقدرت إني اتفرج على مباريات للفريق في ستاد القاهرة وانبسطت من فيدوهات الجمهور وهو متقفل فأنا عجبني جدًا لأني بحب الأجواء دي جدًا فقولت لازم أروح.
واكمل حديثه قائلًا: اتفاجئت أن هنا مفيش جمهور بيحضر والأعداد محددة مش مفتوحة ومش كل الفرق عندها جمهور وفي الدوري عدد الجمهور أقل وكنت مبسوط من اجواء النهائي والأستاد مليان بتحس انك بتزلزل عضمك وجسمك بيقشعر وانت شايف الأعداد دي والدعم دة.