تحدث وليد العطار المدير التنفيذي لإتحاد كرة القدم عن أزمة خطاب نهائي أفريقيا والتي اتهم بأن اتحاد الكرة قام بإخفائه ودخل في أزمة مع الأهلي في وقتها.
وقال العطار في تصريحات لإذاعة اون سبورت اف ام: "إحنا في عصر التكنولوجيا، وعصر التحول الرقمي اللي ناس كتيرة قوي ماتعرفش اتحاد الكرة، عمل النقلة دي، وبقى موجودة في اتحاد الكرة التحول الرقمي دي من سنوات، مابقاش في حاجة اسمها درج او حاجة اسمها حد يخبي حاجة أو حد يشيل حاجة وكده، الجوابات يمكن بتعدي على 6-7 قبل ما توصل للمدير التنفيذي".
وأضاف العطار: " إحنا طلعنا من الموقف ده بنتيجة إيجابية جدا، وهي إن نظام المسابقة كله تغير ورجع للنظام الطبيعي ورجع للنظام العادي للنظام اللي كان عليه، هو نظام غير عادل، وده اللي يمكن إحنا كنا بعتناها كاتحاد كره الاتحاد الأفريقي قبل ظهور القصة".
وأشار المدير التنفيذي لاتحاد الكرة: "لجان تفتيش الوزارة وراجعت وقالت مفيش حاجة اسمها درج حاجة اسمها حد شال حاجة في درج، خرجنا بانتصار حقيقي بإن إحنا غيرنا نظام البطولة، و ورجعنا النظام العادي والطبيعي".
واختتم وليد العطار حديثه: "اتظلمت جماهيريا ولكن جمهور الأهلي تحدثت معاه في مباراة الكأس بالسعودية ومش عاوزين ننسى ان الراحل العامري فاروق قال السنة اللي فاتت ان مكنتش سبب وشكر في التعاون اللي بيحصل".