إمام عاشور: إدارة الزمالك قصرت في حقي.. ورسالة الأهلي حسمت كل شيء



كشف إمام عاشور كواليس انضمامه للفريق الأول لكرة القدم بالنادي الأهلي، بعد انتهاء تجربة احترافه في ميتلاند الدنماركي، واتخاذه قرار بالعودة إلى مصر.

وقال إمام عاشور خلال حديثه عبر قناة الحياة: "ميتلاند كان كوبر علشان تروح الأهلي؟ لا خالص والله مكانش كوبري ولا حاجة بس أنا موفقتش في النادي هناك".

وأضاف: "لما فكرت ارجع مصر كان حد في مجلس إدارة نادي الزمالك كلمتهم بس الناس كانت مقصرة في حقي وبعدين النادي الأهلي شرف لأي حد بمسافة ما لقيت رسالة مبعوتالي من النادي الأهلي أي لاعب في مصر يتمنى أنه يلبس تيشيرت النادي الأهلي، فدي مفكرتش فيها 1% في دماغي وخدت القرار".

وأكمل: "جمهور نادي الزمالك فاهمين الموضوع مشي ازاي كان في شوية مشاكل في الإدارة مش هينفع اتكلم فيها.. لما رجعت من الاحتراف أنا كلمت كذا حد علشان أرجع النادي مفيش حد اهتم بالموضوع وقالولي روح خلص نفسك".

وواصل: "وسط كل المناوشات دي مفيش حد من النادي الأهلي كان كلمني في الوقت ده بس لما لقيت رسالة مبعوتالي من كابتن أمير توفيق خدت القرار على طول".

واختتم إمام عاشور حديثه: "أنا قولت أني هرجع على نادي الزمالك بس ملقتش تقدير من الناس مش عاوز أذكر أسماء علشان فيهم ناس أخواتي الكبار مكانوش بيردوا على السؤال بتاعي يعني ايه اروح اخلص نفسي؟".

استطلاع الراى


أفضل لاعب بفريق الأهلي بدوري أبطال أفريقيا؟
دوري أبطال أفريقيا - 2024

الفيديوهات الأكثر مشاهدة خلال شهر
تطبيق الأهلي.كوم متاح الأن
أضغط هنا