أكد إمام عاشور لاعب الفريق الأول لكرة القدم بالنادي الأهلي، أن انتقاله إلى القلعة الحمراء، هو الفصل الأفضل في حياته بشكل عام.وقال إمام عاشور خلال حديثه عبر قناة الحياة: "لو حياتي مسرحية ايه أحلى فصل فيها؟ انتقالي للنادي الأهلي أحلى فصل في حياتي".وأضاف: "أصعب فصل وأتمنى أنساه لما كنت احترفت الدنيا ماكنتش ماشية معايا بشكل كويس في ظروف أنا مريت بيها مفيش حد هيعرفها غير الناس القريبة مني أنا راجع مصاب والدنيا مكانتش ماشية معايا بشكل كويس".وواصل: "مقدرتش اتأقلم معاهم زي ما اتأقلمت مع النادي الأهلي أول لما جيت دخلت وسط الفريق اللغة كانت عائق بالنسبالي في البدايات لما المدرب اتغير كنت في المنتخب ورجعت لقيت الدنيا اتغيرت وفي حاجات حصلتلي كتير".واختتم إمام عاشور حديثه: "كنت ممكن اكمل في الاحتراف ولما كنت في ميتلاند كان نفسي اعمل حاجة اكبر من كدة أول ماتش ليا قدام سبورتنج لشبونة جبت جول ورجعت في الدوري جبت جول هي ممشيتش معايا بعد كدة بس الحمد لله ده نصيب".