كهربا: دفع الغرامة ليس من ضمن أحلامي في 2024.. وسعيد لموديست



أكد محمود عبد المنعم كهربا لاعب الفريق الأول لكرة القدم بالنادي الأهلي أن عام 2023 هو الأجمل في حياته الكروية.

وقال كهربا خلال حديثه عبر قناة أون تايم سبورتس: "أجمل لقطاتي في عام 2023 مش جول الهلال أحلى لقطة أني رجعت أكمل كورة تاني أن ربنا أداني حياة جديدة وحياة تانية أني رجعت أكمل كورة".

وأضاف: "مبحلمش أني أدفع الغرامة ده مش حلم دي حاجة بتاعت ربنا لو ربنا أراد هدفعها لو مأردش مش هدفعها.. بحلم في 2024 أني اخد كاس أمم إفريقيا مع المنتخب وكل البطولات مع النادي الأهلي وأني أتجوز".

وأكمل: "إمام عاشور الفترة اللي فاتت من ساعة ما جه الأهلي كنت جنبه خطوة بخطوة واللعيبة كلها حبته جدا وهو اتغير في كل حاجة في حياته إمام لسة هيدي النادي الأهلي كتير أوي".

وواصل: "موديست قبل كدة كنا بنلاعب إنبي في الدوري قبلها بيوم قالي بكرة لو جبت جول قولتله تعالى نعمل حركة قالي هلمسك وكأني بتكهرب لما جاب جول في السوبر جريت عليه واحتفلنا أنا مبسوطله لأنه الفترة اللي فاتت بقعد معاه كتير وقاعد معانا وكان بيحب يهزر ومبسوط أوي بالأجواء في النادي".

واختتم كهربا حديثه: "قولتله في أندية أوروبا والأندية الكبيرة بتقعدوا القعدات دي وبتهزروا وبتتكلموا قالي لا أنا مبسوط بالحياة دي ومبسوط معاكم لأنهم هناك بيخلصوا العشاء أو الغداء كل واحد بيروح أوضته محدش بيقعد مع التاني".

استطلاع الراى


توقعاتك لنهائي دوري أبطال أفريقيا بين الأهلي والترجي
دوري أبطال أفريقيا - 2024

الفيديوهات الأكثر مشاهدة خلال شهر
تطبيق الأهلي.كوم متاح الأن
أضغط هنا