أعلن محمد رضا الشهير بـ بوبو المنتقل حديثًا لنادي بيراميدز نهاية أزمته مع ناديه السابق فيوتشر.وكان بوبو قد أثار جدلا في الأيام الأخيرة من خلال منشوراته عبر صفحته على فيسبوك؛ لعدم حصوله على مستحقاته كاملة مع فيوتشر.ونشر اللاعب على صفحته على فيسبوك منذ ساعات: "للتوضيح .. حابب أقول إن سوء التفاهم ده كان سببه شخص شغال في النادي وصلي معلومات غلط كان قاصد منها يوقعني مع إدارة النادي المحترمة."وأضاف: "لكن هو تعاقب وبعد التواصل مع الناس الكبيرة المحترمة اللي بتدير النادي اتأكدت إن الكلام اللي اتقالي ملوش أساس من الصحة وأنا بكن كل الاحترام للنادي وبشكرهم على الفترة اللي قضتها معاهم ومن يوم ما دخلت النادي لحد ما خرجت وأنا واثق في الناس الكبيرة دي والموضوع انتهى تمامًا."وانضم بوبو لصفوف بيراميدز يوم 15 أغسطس قادمًا من فيوتشر، لتدعيم صفوف الفريق السماوي في الموسم الجديد.